9 снежня споўнілася 125 гадоў з дня нараджэння класіка беларускай літаратуры Максіма Багдановіча. З гэтай нагоды ва ўсіх установах адукацыі праходзяць разнастайныя мерапрыемствы. Не засталася ў баку ад гэтых падзей і наша школа. Так у суботу вучні школы былі запрошаны на літаратурна-музычную кампазіцыю «Зорка Максіма», якая была прысвечана творчасці і жыццю гэтага найвыдатнейшага беларускага паэта. Вучні пазнаёміліся з некаторымі вершамі са зборніка «Вянок» М. Багдановіча, даведаліся пра першае каханне паэта.
З задавальненнем праспявалі разам з дзяўчынкамі 8 класа раманс «Зорка Венера». Удзельнікі мерапрыества паспрабавалі сябе ў ролі паэтаў: прыдумвалі рыфмы да прапанаваных слоў.
У якасці госця была запрошана на мерапрыемства загадчык сельскай бібліятэкі Н.І. Петруковіч, якая падрыхтавала выставу кніг пра Багдановіча і пазнаёміла з ёю прысутных.
У гэты ж дзень у вучняў нашай школы была мажлівасць паглядзець фільм кінатэатра «Радуга» «Свет поэзии Максима Богдановича», які выклікаў у гледачоў неадназначнае ўражанне.
Падрыхтавана: Вайцюк В.П.