З 20 па 25 лютага ў нашай школе прайшоў Тыдзень славеснасці. За гэты час вучні школы мелі магчымасць наведаць разнастайныя мерапрыемствы, на якіх гучала як беларуская, так і русская мовы.
20 лютага, у панядзелак, увазе вучняў была прапанавана насценгазета, выпушчаная да Дня роднай мовы. Газета знаёміла з гісторыяй паходжання свята, разнастайнымі цікавымі фактамі пра беларускую мову. Удзел у прапанаванай літаратурнай віктарыне дазволіў вучням атрымаць выдатныя адзнакі па беларускай літаратуры.
21 лютага, у аўторак, адбылася сустрэча з мясцовым паэтам Т.А. Антончык. Пра сустрэчу « Паэты жывуць побач» чытайце матэрыял сайта школы за 22 лютага. Вынікам гэтай сустрэчы з'явіліся шматлікія вершы дзяцей разнастайнага ўзроўню, у якіх вучні спрабавалі свае здольнасці.
22 лютага, у сераду, у школе праходзіў Дзень красвордаў па русскай мове і літаратуры. У выніку самыя актыўныя удзельнікі атрымалі граматы.
А на вялікіх перапынках увазе вучняў прапаноўваліся мультфільмы на беларускай мове: «Піліпка», «Дзед», « Рыцар, які нікога не баіцца». Больш за ўсё дзеці ўпадабалі мультфільм кінастудыі «Беларусьфільм» «Дзед», зняты па матывам беларускай народнай казкі.
24 лютага, у пятніцу, з вучнямі 3-6 класаў настаўнік К.А. Козіч правяла інтэлектуальную гульню «Знатакі рускай мовы». У выніку самыя актыўныя ўдзельнікі атрымалі граматы.
25 лютага, у субботу, вучні 5-8 класаў здзейснілі падарожжа па родных мясцінах, у час якога пабывалі на экскурсіі ў музеі Запрудскай БШ, наведалі святую крынічку і мясцовую царкву ў в. Запруды.
Настаўнік беларускай мовы і літаратуры В.П. Вайцюк