СУБОТА Ў ШКОЛЕ

  У нашай школе ў суботу 7 кастрычніка з 9.45.  да 10.50.  для вучняў 5-8 класаў праходзіла  гульня  «Залацінкі мудрасці”. Гульня была прысвечана беларускім прыказкам і прымаўкам. Мэтай гэтай гульні з’яўлялася паглыбленне папярэдне набытых вучнямі ведаў пра тэматычную разнастайнасць і жанравую асаблівасць прыказак і прымавак. 

Дзве каманды супернічалі ў конкурсах “Дапішы прыказку”, “Падбяры пару”, “Аднавіце прыказкі”.  А адказы на гэтыя конкурсы вучні маглі ўбачыць на экране тэлевізара, што падалося дзецям незвычайным.

У конкурсе “Вясёлы апавядальнік” камандам  за 5 хвілін неабходна было скласці невялікае апавяданне ці казку па любой беларускай прыказцы. У конкурсе “Магічныя лічбы” даведаліся, у чым заключаецца магія лічбаў 3,7,100.

  Пры падвядзенні вынікаў гульні    ўдзельнікаў чакалі прызы.

                                                              Настаўнік беларускай мовы і літаратуры  В.П. Вайцюк