Масленіца — старажытнае славянскае свята. У народным календары няма канкрэтнай даты. Свята пачынаецца роўна за восем тыдняў да Вялікадня (у гэтым годзе з 20 лютага) і працягваецца тыдзень.

Яно стала традыцыйным у нашай школе. 25 лютага ў рамках Тыдня беларускай мовы яго праводзілі члены гуртка “Музеязнаўства” Дзіброва Анастасія і Талстунова Дзіяна. 

У час правядзення мерапрыемства вядучыя  паказалі жанравыя асаблівасці, тэматычную разнастайнасць, нацыянальную адметнасць абрадаў Масленіцы. 

Вучні  школы і дарослыя з задавальненнем удзельнічалі ў розных конкурсах, спявалі песні, а пасля традыцыйна частаваліся блінамі, мёдам і іншымі прысмакамі.

На жаль, надвор’е не дазволіла спаліць пудзіла Масленіцы.